Goal.com-ის ინფორმაციით, “მანჩესტერ სიტის” თავკაცმა, პეპ გვარდიოლამ, ბენჟამინ მენდისთან დაკავშირებით გადაწყვეტილება მიიღო: ესპანელი მწვრთნელის გადაწყვეტილებით, ბენჯამინ მენდი ძირითად გუნდთან ერთად აღარ ივარჯიშებს.
საქმე იმაში მდგომარეობს, რომ ბენჟამინ მენდიმ აღდგენით პროცედურებზე 3 საათით დაიგვიანა, რადგან მანამდე ენტონი ჯოშუასა და ალექსანდერ პოვეტკინის ბრძოლის საყურებლად იმყოფებოდა.
ცხადია, აღნიშნული მიზეზი გვარდიოლამ გამამართლებლად არ მიიჩნია, რის გამოც 24 წლის ფეხბურთელი ძირითადი გუნდიდან დროებით მოკვეთა.
