,,ალ ნასრის” მთავარმა მწვრთნელმა, რუდი გარსიამ, რონალდუს სადებიუტო გოლის შემდეგ, განაცხადა, რომ მისი გუნდი პორტუგალიელზე ბოლომდე დამოკიდებული არ არის:
,,მოხარული ვარ რონალდუს გოლით და ვწუხვარ, ტალისკას გაძევების გამო… ჩვენ მოგება წინა მატჩებში ტალისკას გარეშეც შევძელით და რონალდუზე ბოლომდე დამოკიდებულნი არ ვართ…
მომავალში უნდა მოვუმატოთ, რადგან ბოლო შეხვედრებში გოლები გავუშვით,” – განაცხადა რუდი გარსიამ.
საუდის არაბეთის ჩემპიონატის მე-15 ტურში ,,ალ ფათეჰისა” და ,,ალ ნასრის” შეხვედრა ფრედ, ანგარიშით 2:2 დასრულდა. კრიშტიანუმ 93-ე წუთზე პენალტი გაიტანა და საკუთარ გუნდს ქულის მოპოვებაში დაეხმარა.
15 ტურის შემდეგ ,,ალ ნასრი” 34 ქულით სატურნირო ცხრილის პირველ პოზიციაზეა.
