“მილანის” თავდამსხმელი, ზლატან იბრაჰიმოვიჩი თვლის, რომ კალათბურთის ლეგენდა, ლებრონ ჯეიმსი “სპორტს უნდა ეკვროდეს” და კრიტიკულად უყურებს სპორტსმენებს, რომლებიც სოციალური აქტივისტები არიან.
39 წლის შვედმა, ცოტა ხნის წინ, სამშობლოში Discovery + -სთან ინტერვიუში სხვადასხვა საინტერესო თემაზე ისაუბრა, მათ შორის სპორტის ვარსკვლავების მოედანს მიღმა საქმიანობაზე.
Zlatan Ibrahimovic uppskattar basketspelaren Lebron James men tycker inte att han ska lägga sig i politiken: “Lebron är fenomenal på det han gör, men jag gillar inte när folk med status lägger sig i politik”
Lång intervju med Zlatan Ibrahimovic: https://t.co/oXm5gjmhKv pic.twitter.com/J3L82GWLD6
— discovery+ sport 🇸🇪 (@dplus_sportSE) February 25, 2021
“ლებრონი ფენომენალურია იმ საქმეში, რომელსაც აკეთებს, მაგრამ მე არ მომწონს, როდესაც ადამიანებს აქვთ გარკვეული სტატუსი და შემდეგ ისინი ერთდროულად რამდენიმე სფეროში ერთვებიან, განსაკუთრებით კი როცა პოლიტიკურ საქმეს აკეთებენ.
გააკეთე ის, რაც კარგად გამოგდის. იყავი იმ სფეროში, რომელშიც ხარ. მე ფეხბურთს ვთამაშობ, რადგან ფეხბურთში საუკეთესო ვარ. არ ვარ ჩართული პოლიტიკაში. მე რომ ვიყო პოლიტიკური ტიპის ადამიანი, პოლიტიკაში ვისაქმიანებდი.
ეს არის პირველი დიდი შეცდომა. როდესაც ადამიანები ცნობილები ხდებიან, ისინი ამას გარკვეულ სფეროში აკეთებენ. თავი დაანებე სხვა კატეგორიის სტატუსის ძებნას. უბრალოდ გააკეთე ის, რასაც საუკეთესოდ აკეთებ, რადგან ეს კარგად არ ჩანს“, – თქვა შვედეთის ნაკრების ყოფილმა ფორვარდმა.
“ლოს ანჯელეს ლეიკერსის” ლიდერი და NBA-ს 4-გზის ჩემპიონი ბოლო წლების განმავლობაში უზარმაზარ სოციალური აქტივისტად ჩამოყალიბდა და ეხმარებოდა კამპანიას “მეტი ვიდრე ხმა”, რომელიც ამერიკელ მოსახლეობას საარჩევნო უბნებში სიარულისკენ მოუწოდებდა.
იგი ასევე გამოხატავდა თავის პოზიციას ყოფილი პრეზიდენტის, დონალდ ტრამპის წინააღმდეგ და ღიად აღნიშნა 2020 წელს მისი ჯო ბაიდენთან დამარცხება საპრეზიდენტო არჩევნებში.