გუშინ სოციალური ქსელი აჭრელებული იყო პარიზელი გულშემატკივრის ვიდეოებით, რომლებიც მესისა და ნეიმარის წასვლას ითხოვდნენ. ფანები მათ მიმართ შეურაცხმყოფელ სიტყვებსაც არ იშურებდნენ. ამის შედეგად, “პარი სენ-ჟერმენის” თავკაცებმა გადაწყვიტეს, რომ მესისა და ნეიმარის სახლების წინ დაცვა გაეძლიერებინათ.
“პსჟ-მ” მალევე გაავრცელა ოფიციალური განცხადება, სადაც გულშემატკივრების ქმედება დაგმო.
“პარი სენ-ჟერმენი” მიუღებელ და შეურაცხმყოფელ ქმედებებს გმობს. როგორი აზრთა სხვადასხვაობაც არ უნდა არსებობდეს, ასეთ საქციელს არაფერი ამართლებს.” – ვკითხულობთ გუნდის ოფიციალურ განცხადებაში.
გავრცელებული ინფორმაციის თანახად, 35 წლის არგენტინელი “პსჟ-ს” ზაფხულში კონტრაქტის ამოწურვის შემდეგ დატოვებს, ხოლო ნეიმარი მარტის შემდეგ ტრავმირებულია და სეზონის ბოლომდე ვეღარ ითამაშებს.
