17 ოქტომბერს გასამართი “დერბი დელა მადონინას” წინ “მილანის” ლაზარეთში პოზიტიური სიახლეა. იტალიური მედია საშუალებების მიერ გავრცელებული ინფორმაციით, მილანურ დერბიში “როსონერის” ზლატან იბრაჰიმოვიჩი, ალესიო რომანიოლი და ანტე რებიჩი დაუბრუნდებიან.
წყაროს მტკიცებით, ზლატან იბრაჰიმოვიჩმა ინდივიდუალური ვარჯიშები უკვე განაახლა და კორონავირუსის ტესტზე ნეგატიური პასუხის მიღების შემდეგ, გუნდს შეუერთდება – რაც შეეხება ალესიო რომანიოლის, მან სრული დატვირტვით ვარჯიში დაიწყო.
