35 წლის კოლუმბიელმა ფეხბურთელმა, რადამელ ფალკაომ, ,,რაიო ვალეკანოსთან” ერთწლიანი კონტრაქტი გააფორმა. ინფორმაციას ესპანური გუნდის ოფიციალური ვებგვერდი ავრცელებს.
ფორვარდი ახალ კლუბს თავისუფალი აგენტის სტატუსით შეუერთდა.
ფალკაომ 2011-2013 წლებში, ლა ლიგაში, მადრიდის ,,ატლეტიკოსთან” ერთად 2 სეზონი გაატარა და ჩემპიონატში ჩატარებულ 68 შეხვედრაში 52 გოლი გაიტანა. ფორვარდი ბოლოს ,,გალათასარაიში” თამაშობდა.
ლა ლიგის ახალი სეზონის 3 ტურის შემდეგ, ,,რაიო ვალეკანო” 3 ქულით ცხრილის მე-10 პოზიციაზეა.
🎥 ⚡️ Rayistas, @FALCAO tiene un mensaje para vosotros… 🐅 pic.twitter.com/bDqVmQDa0q
— Rayo Vallecano (@RayoVallecano) September 4, 2021
