“ბარსელონა” “მანჩესტერ სიტის” შეუთანხმდა – 55 მილიონ ევროს სანაცვლოდ ფერან ტორესი კარიერას კატალონიელთა რიგებში გააგრძელებს.
აღნიშნულ ინფორმაციას Goal.com-ი ადასტურებს. როგორც ცნობილია, ესპანელი ვინგერი “ბარსასთან” 5-წლიან კონტრაქტს გააფორმებს.
ფერან ტორესს ტრავმის გამო მიმდინარე სეზონში ბევრი შეხვედრა არ ჩაუტარებია. მან პრემიერ ლიგაში 4-ჯერ ითამაშა და 2 გოლი გაიტანა.
კონტრაქტში ამოქმედებული პუნქტის მიხედვით, ტორესის ტრანსფერიდან 10%-ს “ვალენსია” მიიღებს. შეგახსენებთ, რომ 21 წლის ესპანელი “სიტიმდე” სწორედ “ღამურების” წევრი იყო.
როგორც იცით, “ბარსელონას” ფინანსური პრობლემები ჰქონდა, თუმცა გაყიდული ფეხბურთელებისა და განთავისუფლებული სახელფასო ჭერის შედეგად, გუნდმა ტრანსფერის განხორციელება მოახერხა.
