დედოფალ ელისაბედ II-ის გარდაცვალებასთან დაკავშირებით, პრემიერ ლიგის გადაწყვეტილებით, მომავალ შაბათ-კვირას, მე-8 ტურის სამი მატჩი გადაიდება.
მათ შორისაა ტურის ცენტრალური შეხვედრა ლონდონის ,,ჩელსისა” და ,,ლივერპულს” შორის. გარდა ამისა, არ შედგება ,,მანჩსტერ იუნაიტედი” – ,,ლიდსისა” და ,,ბრაიტონი” – ,,კრისტალ პალასის” დაპირისპირებებიც. დანარჩენი 7 მატჩის ჩატარების განრიგი უცვლელია.
დიდი ბრიტანეთი ახლა დედოფლის დაკრძალისთვის ემზადება, პროცესში სამართალდამცველთა დიდი რაოდენობაა ჩართული, რის გამოც, რამდენიმე თამაშის უსაფრთხოება კითხვის ნიშნის ქვეშ იყო. ამავე მიზეზით, ,,არსენალსა” და ,,პსვ-ს” შორის ევროპა ლიგის შეხვედრაც გადაიდო, რომელიც ხუთშაბათს უნდა გამართულიყო.
The #PL will resume this weekend after a pause to the season as a mark of respect following the passing of Her Majesty Queen Elizabeth II.
— Premier League (@premierleague) September 12, 2022
Seven of the 10 Matchweek 8 fixtures will be played, with three postponed due to events surrounding The Queen’s funeral.
