საქართველოს საუკეთესო ათეულში - მიქაუტაძის სატრანსფერო ფასი გაიზარდა

საქართველოს ნაკრების თავდამსხმელის, გიორგი მიქაუტაძის სატრანსფერო ფასმა 600 000 ევროთი მოიმატა.

აქამდე, “სერენის” 20 წლის თავდამსხმელი 1 200 000 ევრო ღირდა, ახლა კი მისი სატრანსფერო ღირებულება 1 800 000 ევროს შეადგენს.

მიქაუტაძის სატრანსფერო ფასის ზრდა მის კარგ სათამაშო ფორმას უკავშირდება. მას მერე, რაც იგი მიმდინარე წლის 30 აგვისტოს ბელგიურ კლუბში დაბრუნდა, ყველა ტურნირზე ჩატარებულ 6 შეხვედრაში 7 გოლის გატანა მოახერხა.

ლიგა 1-ის ბინადარ “მეცთან” კონტრაქტის მქონე ფეხბურთელი ამ ცვლილების შემდეგ, ქართველი ფეხბურთელების ტოპ ათეულში შევიდა. ამ სიას 18 მილიონი ევროთი ყაზანის “რუბინის” ქართველი შემტევი, ხვიჩა კვარაცხელია ლიდერობს.