ვილი სანიოლმა ივნისის სანაკრებო მატჩებისთვის ეროვნულ გუნდში სერგო კუხიანიძე გამოიძახა.
წყალტუბოს “სამგურალის” 22 წლის თავდამსხმელი “ჯვაროსნების” რიგებში პირველად ითამაშებს.
სერგოს Live.Ge დაუკავშირდა – ახალგაზრდა ფეხბურთელმა ჩვენთან პირველ ემოციებზე ისაუბრა.
“როდესაც დამირეკეს და მითხრეს, რომ ეროვნულ ნაკრებში გამომიძახეს, ცრემლები წამომივიდა და თავბრუ დამეხვა. ემოციური ფონი ძალიან დიდი იყო და სიტყვებს თავს ვერ ვუყრიდი,” – გვითხრა კუხიანიძემ.
შეგახსენებთ, რომ საქართველოს ნაკრები 2 ივნისს სტუმრად რუმინეთს დაუპირისპირდება, 6 ივნისს კი – ენსხედეში ნიდერლანდებს ეწვევა. ორივე მატჩი ამხანაგურია.
