“მანჩესტერ სიტის” კაპიტანმა, ვენსან კომპანიმ საკუთარ Instagram-ზე პოსტი გამოაქვეყნა, სადაც მამამისს მერად არჩევა მიულოცა. 71 წლის პერ კომპანის, რომელიც 1975 წელს კონგოდან ბელგიაში ლტოლვილის სტატუსით ჩავიდა, განსჰორენის მუნიციპალიტეტის მაცხოვრებლების 28.38%-მა დაუჭირა მხარი.
ვიდეოში, რომელიც კომპანიმ გამოაქვეყნა, მისი ძმა, ფრანსუაც ჩანს, რომელიც ბელგიურ საფეხბურთო კლუბ “კ.ს.ვ. რუსელარეში” თამაშობს. ვიდეოს ტექსტი ასეთია: “ისტორია დაწერილია! ვამაყობ შენით მამა. ადამიანმა, რომელიც კონგოდან ბელგიაში ლტოლვილის სტატუსით 1975 წელს ჩავიდა, ხალხის მხარდაჭერა მოიპოვა და ბელგიაში პირველი შავკავიანი მერი გახდა! ეს გრძელი, რთული გზა იყო, თუმცა შედეგი მიღწეულია. გილოცავ!”
