სლოვენიასთან მოპოვებული გამარჯვების შემდეგ, პოლონეთის ნატურალიზირებულმა კალათბურთელმა, მატჩის შემდგომი კომენტარი მის ვაჟთან ერთად გააკეთა. სლოტერის თქმით, 2022 წლის ევრობასკეტი სრული სიგიჟეა.
“ეს ევრობასკეტი სრული სიგიჟეა. საოცარი გამარჯვება მოვიპოვეთ. ეს არის ის, რაც ჩვენ მთელი სიცოცხლის განმავლობაში გვემახსოვრება. ბევრს არ ეგონა, რომ სლოვენიას დავამარცხებდით, მაგრამ ჩვენ ისტორია დავწერეთ.”
სლოტერმა საფრანგეთთან მომავალ მატჩზეც ისაუბრა:
“საფრანგეთი ძალიან ძლიერი გუნდია. ჩვენ კარგად ვიცნობთ ამ ბიჭებს. მე რამდენიმე მათგანთან ერთად მითამაშია. ჩვენ ვაპირებთ გამოვიდეთ და ვითამაშოთ იგივე პოლონური სიამაყით, რომლითაც ვითამაშეთ და შესაძლოა, მსოფლიო კვლავ შოკში ჩავაგდოთ.”
შემდეგ შეხვედრას პოლონეთი საფრანგეთის წინააღმდეგ 16 სექტემბერს გამართავს. აღნიშნული შეხვედრა, თბილისის დროით, 19:15 საათზე დაიწყება.
