ევროლიგის 2020-2021 წლების სეზონი ,,ანადოლუ ეფესის” გამარჯვებით დასრულდა.
თურქულმა გუნდმა ფინალში კატალონიის ,,ბარსელონა” 5-ქულიანი სხვოაბით, ანგარიშით 86-81 დაამარცხა და ტურნირის გამარჯვებული ისტორიაში პირველად გახდა.
,,ეფესს” 25 ქულით, 5 შედეგიანი გადაცემით, 3 მოხსნითა და 3 ჩაჭრით ვასილიე მიციჩმა ულიდერა. 21 ქულა, 3 ასისტი, 2 ჩაჭრა და 2 მოხსნა იყო შეინ ლარკინის ანგარიშზე.
,,ბარსელონას” შემადგენლობაში საუკეთესო კორი ჰიგინსი იყო, რომელმაც 30 წუთში 23 ქულას, 2 მოხსნას, 2 ჩაჭრასა და 1 პასს მოუყარა თავი.
,,ოთხთა ფინალის” MVP ვასილიე მიციჩი გახდა, რომელმაც დღევანდელი შეხვედრის მსგავსად, ნახევარფინალურ მატჩშიც 25 ქულის მოგროვება შეძლო.
ევროლიგის დასრულებულ სეზონში მესამე ადგილი ,,მილანმა” დაიკავა, მე-4 პოზიციაზე კი მოსკოვის ,,ცსკა” გავიდა.
The 2020-21 EuroLeague CHAMPION…
🏆 @AnadoluEfesSK 🏆#F4GLORY pic.twitter.com/UpNaRU8uqR
— Turkish Airlines EuroLeague (@EuroLeague) May 30, 2021