რუსეთის საკალათბურთო ჩემპიონატის 2021/22 წლების სეზონი დაიწყო. VTB ლიგაში უკვე მესამე წრის შეხვედრები გაიმართა.
საქართველოს ნაკრების კაპიტნის, თორნიკე შენგელიას “ცსკა” გასვლით მატჩში “ნიჟნი ნოვგოროდის” წინააღმდეგ იყო წარმოდგენილი.
შეხვედრა არმიელების დამაჯერებელი გამარჯვებით, 20-ქულიანი უპირატესობით, ანგარიშით – 92:72 დასრულდა.
თორნიკემ პარკეტზე 23:32 წუთი გაატარა, რა დროშიც 17 ქულით, 7 მოხსნით, 6 შედეგიანი გადაცემითა და 3 ჩაჭრით დაეხმარა საკუთარ გუნდს.
აღსანიშნავია, რომ შენგელიამ შეხვედრა სასტარტო ხუთეულიდან დაიწყო და ზემოთხსენებული მაჩვენებლების ხარჯზე მატჩის MVP-ის წოდებაც სწორედ ქართველ კალათბურთელს ერგო.
რუსეთის ეროვნულ ჩემპიონატში მომდევნო შეხვედრას “ცსკა”, 18 ოქტომბერს, “პარმა პერმის” წინააღმდეგ გამართავს.