ტურინის „იუვენტუსის“ ფორვარდი, კრიშტიანუ რონალდუ წელიწადში €31 მილიონს გამოიმუშავებს, რაც იტალიის ჩემპიონატში მოთამაშე ნებისმიერი ფეხბურთელის ხელფასს მინიმუმ 3-ჯერ აღემატება.
“იუვენტუსმა” პორტუგალიელი სუპერვარსკვლავი გასულ სატრანსფერო პერიოდში შეიძინა და მასში €100 მილიონი გადაიხადა.
მიმდინარე სეზონში “იუვემ” უკვე 3 შედეგიანი მატჩი გამართა, თუმცა გატანილი გოლით რონალდუს ჯერ თავი არ გამოუჩენია.
Goal.com-ის ცნობით, იტალიაში ყველაზე მაღალანაზღაურებადი ფეხბურთელების სიაში მეორე პოზიციას გონსალო იგუაინი იკავებს, რომლის ანაზღაურებაც €9,5 მილიონს შეადგენს.
სერია ა-ში ყველაზე მაღალანაზღაურებადი ფეხბურთელები არიან:
- კრიშტიანუ რონალდუ – €31 მლნ;
- გონსალო იგუაინი – €9,5 მლნ;
- პაულო დიბალა – €7 მლნ;
- მირალემ პიანიჩი – €6.5 მლნ;
- დუგლას კოშტა – €6 მლნ.
