საჩოგბურთო სამყაროში 2021 წლის ბოლოს წინა მასტერსის ტიპის (1000-ქულიანი) ტურნირი, ინდიან უელსი, იმართება.
ტურნირზე მონაწილეობას იღებს საქართველოს პირველი ნომერი, ნიკოლოზ ბასილაშვილიც.
ნიკა ტურნირზე 29-ე ნომრადაა განთესილი, რის გამოც ასპარეზობა მეორე ეტაპიდან დაიწყო, სადაც მისი მეტოქე ამერიკელი ჩოგბურთელი, კრისტოპერ იუბანკსი გახლდათ.
იუბანკსის ბარიერი ბასილაშვილმა წარმატებით და რაც მთავარია, დამაჯერებლად დაძლია. ამერიკელი ოპონენტის შემდეგ, ალბერტ რამოს-ვინოლასს დრამატულ ბრძოლაში აჯობა და პირადი რეკორდი დაამყარა – გავიდა მასტერსის 1/8-ფინალურ ეტაპზე.
1/8-ფინალში ქართველ ჩოგბურთელს კარენ ხაჩანოვის წინააღმდეგ მოუწია ასპარეზობა, რომელსაც იუბანკსის მსგავსად, დამაჯერებლად, 2-სეტში, ანგარიშით – 6:4; 7:6(6), სძლია.
1/4-ფინალურ ეტაპზე ბასილაშვილის მეტოქე მსოფლიო რეიტინგის მე-3 ნომერი, სტეფანოს ციციპასი იყო, რომელსაც ქართველი ჩოგბურთელი დრამატული ბრძოლის შედეგად, ანგარიშით – 6:4; 2:6; 6:4, გაუმკლავდა. მასტერსის ტიპი 1/2-ფინალში გასვლით, ქართველმა ჩოგბურთელმა, პირადი რეკორდი გააუმჯობესა.
ნიკა ინდიან უელსის საუკეთესო 4 ჩოგბურთელს შორისაა, პირველი ნახევარფინალური წყვილი უკვე ცნობილია – ჰურკაჩი Vs. ნორი, ნიკოლოზის მეტოქე კი ალექსანდრ ზვერევისა და ტეილორ ფრიცის წყვილს შორის გამარჯვებული იქნება.