ავტორიტეტული მედია საშუალების ყოველკვირეულ სარაგბო პოდკასტში საქართველოს მორაგბეთა ეროვნული ნაკრების შესახებ ისაუბრეს.
BBC-ს სარაგბო პოდკასტი წლევანდელი სეზონის მიმოხილვასა და გამორჩეული მომენტების გარჩევას დაეთმო და ქართველი გულშემატკივრისთვის განსაკუთრებით სასიხარულოა, რომ წამყვანებმა “ბორჯღალოსნების” შესახებაც ისაუბრეს.
ინგლისის მორაგბეთა ეროვნული ნაკრების ყოფილმა წევრმა – კრის ჯონსმა, აღნიშნა, რომ საქართველოს მიერ უელსის დამარცხება, წლის ყველაზე დიდი შოკი იყო.
”ვისაუბროთ ორი ყველაზე დიდი გამარჯვების შესახებ – კარდიფში, საქართველომ უელსი დაამარცხა, ხოლო არგენტინამ ინგლისს სძლია. სწორედ ეს მატჩები გახდა სეზონის შოკი. აღსანიშნავია, რომ ორივე მატჩის შედეგმა განსაკუთრებული ცვლილება მოახდინა: ინგლისმა ედი ჯონსი გაუშვა, ხოლო უელსმა უეინ პივაკი გაათავისუფლა”, – კრის ჯონსი.
შეგახსენებთ, 2023 წლის რაგბის მსოფლიო თასზე, უელსის მორაგბეთა ეროვნული ნაკრები C-ჯგუფში ფიჯის, ავსტრალიის, საქართველოსა და პორტუგალიის წინააღმდეგ იასპარეზებს. “დრაკონებისა” და “ბორჯღალოსნების” დაპირისპირება 7 ოქტომბერს გაიმართება.
