საქართველოს პირველი ნომერი ნიკოლოზ ბასილაშვილი CHINA OPEN-ის ტიტულს დაეუფლა, მან ურთულესი გზა განვლო ფინალამდე, სადაც მსოფლიო რეიტინგის მე-4 ნომერ, არგენტინელ ხუან-მარტინ დელ პოტროს 2 სეტში, ანგარიშით – 6:4, 6:4 სძლია.
ამ გამარჯვებით ნიკოლოზმა საკუთარ კარიერაში საუკეთესო შედეგი დააფიქსირა, მომდევნო კვირიდან იგი მსოფლიო რეიტინგში 23-ე (!) პოზიციაზე გადაინაცვლებს.
ჩინეთის ღია პირველობის ტიტულის მოპოვებასთან ერთად ნიკამ 733 320 ამერიკული დოლარი გამოიმუშავა.
მომდევნო კვირიდან იგი შანხაის მასტერსზე იასპარეზებს, სადაც მისი პირველი მეტოქე ახალგაზრდა კანადელი, დენის შაპოვალოვი იქნება.
