,,რეალი” მზადაა, რომ ,,პარი სენ ჟერმენისა” და საფრანგეთი ეროვნული ნაკრების თავდამსხმელი, კილიან მბაპე 2024 წელს გაიფორმოს. ინფორმაციას As-ი ავრცელებს.
გამოცემის ცნობით, მადრიდული გუნდი ფეხბურთელის ყიდვას ამ ზაფხულს არ აპირებს, რადგან მისი სატრანსფერო ღირებულება ძალიან დიდია. თუმცა თუ ფასი კლუბისთვის ხელმისაწვდომი იქნება, შესაძლოა, ტრანსფერი 2023 წელს შედგეს.
As-ი წერს, რომ ამ ეტაპზე ,,რეალს” ფეხბურთელის გაფორმებამდე ორი პირობა აქვს – გარიგება უფასო უნდა იყოს (რაც 2024 წელს, კონტრაქტის ამოწურვის შემდეგ იქნება შესაძლებელი) და კილიანმა საჯაროდ უნდა აღიაროს, რომ 2021 წელს, როცა ,,სამეფო გუნდში” გადასვლაზე უარი თქვა, არასწორად მოიქცა.
L’Equipe-ს ინფორმაციით, კილიანის ამჟამინდელ კონტრაქტში არის პუნქტი, რომლის მიხედვითაც, ფეხბურთელს ხელშეკრულების კიდევ ერთი წლით გახანგრძლივება შეუძლია. თუ მბაპე განახლების ვარიანტს 4 თვეში არ გაააქტიურებს, მაშინ მისი კონტრაქტი 2024 წლის ივნისში დასრულდება.
მიმდინარე სეზონში მბაპეს ანგარისშზე ,,პარი სენ ჟერმენის” მაისურით ჩატარებულ 31 შეხვედრაში 30 გოლი და 8 საგოლე გადაცემაა.
