,,მანჩესტერ სიტის” ნახევარმცველმა, ბერნარდუ სილვამ, კარიერა, შესაძლოა, საფრანგეთში გააგრძელოს. ინფორმაციას Foot Mercato ავრცელებს.
გამოცემის ცნობით, პორტუგალიელის ტრანსფერით ,,პარი სენ ჟერმენი” ინტერესდება. თავად ფეხბურთელს, რომელსაც ,,ქალაქელები” 80-85 მილიონ ევროდ აფასებენ, კლუბის დატოვება სურს.
სილვასთვის ბრძოლაში პარიზელების მთავარი კონკურენტი ,,ბარსელონა” იქნება. კატალონიელები ნახევარმცველის ყიდვას იმ შემთხვევაში აპირებენ თუ გუნდიდან ფრენკი დე იონგი წავა.
,,პსჟ-ში” მიაჩნიათ, რომ პორტუგალიელის გადაბირებას ლუიშ კამპუშის დახმარებით შეძლებენ. 2014 წელს ბერნარდუ ,,მონაკოში” სწორედ კამპუშმა მიიყვანა.
გასულ სეზონში სილვამ ,,მანჩესტერ სიტის” მაისურით ჩატარებულ 50 შეხვედრაში 13 გოლი გაიტანა და 7 საგოლე გადაცემა მიითვალა.
🚨 PSG are targeting a move for Bernardo Silva this summer, who is also wanted by Barcelona.
The player will cost around €80m-€85m.
(Source: @Santi_J_FM) pic.twitter.com/oMnZydX7QD
— Transfer News Live (@DeadlineDayLive) August 3, 2022