,,მანჩესტერ სიტის” ყოფილი ფეხბურთელი, რაჰიმ სტერლინგი კარიერას ლონდონის ,,ჩელსიში” გააგრძელებს. ინფორმაციას ,,არისტოკრატების” ოფიციალური ვებგვერდი ავრცელებს.
27 წლის შემტევმა ახალ კლუბთან 5-წლიანი კონტრაქტი გააფორმა. ტრანსფერის ღირებულება ოფიციალურად ცნობილი არ არის, თუმცა როგორც Transfermarkt-ი იტყობინება, ,,ჩელსიმ” ინგლისელის სანაცვლოდ 63,7 მილიონი ევრო გადაიხადა.
სტერლინგი ,,სიტიში” 2015 წლიდან თამაშობდა. გასულ სეზონში შემტევმა მანჩესტერული კლუბის მაისურით ჩატარებულ 47 შეხვედრაში 17 გოლი გაიტანა და 9 საგოლე გადაცემა მიითვალა.
A star in LA! 🇺🇸#SterlingIsChelsea pic.twitter.com/kgTYEI3ybn
— Chelsea FC (@ChelseaFC) July 13, 2022