საქართველოს ნაკრების 20 წლის მეკარე, გიორგი მამარდაშვილი არამხოლოდ ესპანური, არამედ უკვე ევროპული სპორტული მედიის ინტერესის ქვეშ მოექცა და პრესტიჟული ევროპული სტატისტიკური გამოცემებისგან უმაღლესი შეფასებებიც დაიმსახურა.

გარდა იმისა, რომ Whoscored.com-მა, “დინამო თბილისის” აღზრდილი გოლკიპერი ლა ლიგის პირველი ტურის სიმბოლურ გუნდში შეიყვანა და საუკეთესო მეკარედაც აღიარა, ევროპის ტოპ 5 ჩემპიონატის იმ ხუთკაციან სიაში შეიყვანა, რომლებმაც ახალ კლუბში ყველაზე კარგი თამაშით აღნიშნეს და იგივე მასშტაბით 21-წლამდე ასაკში მყოფი ფეხბურთელების თერთმეტეულშიც მოახვედრა.

🆕 Top rated debutants in Europe’s top five leagues this weekend

1⃣ Emmanuel Dennis(@WatfordFC) – 8.78
2⃣ Erik Lamela (@SevillaFC) – 8.70
3⃣ Trevor Chalobah (@ChelseaFC) – 8.32
4⃣ Memphis Depay (@FCBarcelona) – 8.09
5⃣ Giorgi Mamardarshvili (@valenciacf) – 7.82

— WhoScored.com (@WhoScored) August 17, 2021

მოკლე ნუსხაში ისეთი ფეხბურთელები მოხვდნენ, როგორებიც “სევილიას” ახალწვეული ერიკ ლამელა, “ბარსელონას” ახალი ცხრიანი მემფის დეპაი და ლონდონის “ჩელსის” ახალგზრდა მარჯვენა მცველი ტრევორ ჩალობა არიან.

🇪🇺 U21 Team of the Week in Europe’s top 5 leagues pic.twitter.com/9uXxTutU60

— WhoScored.com (@WhoScored) August 17, 2021

რაც შეეხება ახალგაზრდულ სიმბოლურ გუნდს, აქ მამარდაშვილთან ერთად “მანჩესტერ იუნაიტედის” შემტევი მეისონ გრინვუდი, დორტმუნდის “ბორუსიას” ამომავალი ვარსკვლავი ერლინგ ბრაუტ ჰოლანდი, მიუნხენის “ბაიერნის” მარჯვენა მცველი ალფონსო დევისი და სხვები არიან.

მორიგი აღიარება: მამარდაშვილი გრინვუდთან, ჰოლანდთან, დეპაისთან და სხვა ვარსკვლავებთან ერთად