იტალიის სერია A-ს 31-ე ტურში ,,ნაპოლი” ,,იუვენტუსს” ესტუმრა და 1:0 დაამარცხა.
დღევანდელ მატჩში ნეაპოლური გუნდის შემტევმა, ხვიჩა კვარაცხელიამ, მოედანზე 86 წუთი გაატარა და Whoscored-ისგან 7,2-ქულიანი შეფასება დაიმსახურა, რითაც საკუთარი გუნდის რიგებში მხოლოდ დი ლორენცოსა (7,7) და ოლივერას (7,5) ჩამორჩა.
ხვიჩა ,,იუვენტუსის” წინააღმდეგ ბურთს სულ 73-ჯერ შეეხო, კარისკენ ოთხჯერ დაარტყა და 48-დან 43 სწორი გადაცემა გააკეთა (90%).
ვებგვერდმა, Sofascore-მა კვარაცხელიას თამაში ასევე 7,2 ქულით შეაფასა.
31 ტურის შემდეგ ,,ნაპოლის” 78 ქულა აქვს და სატურნირო ცხრილის პირველ პოზიციაზეა. სპალეტის გუნდი მომავალ შეხვედრას 29 აპრილს, ,,სალერნიტანას” წინააღმდეგ გამართავს.
