ნეიმარის გარშემო ატეხილი აჟიოტაჟი, როგორც ჩანს დასასრულს უახლოვდება – დიდი ალბათობით ნეიმარი კვლავ კატალონიური გრანდის მაისურს მოირგებს.
რამდენიმე წუთის წინ გავრცელებული ინფორმაციით, “ბარსელონა” და “პსჟ” ნეიმარის თაობაზე შეთანხმდნენ. აღნიშნულის შესახებ ინფორმაციას Sky Italy ავრცელებს. გარიგების დამატებითი დეტალები ამ წუთისათვის არ ხმაურდება, თუმცა ვრცელდება ინფორმაცია, რომ “ბლაუგრანამ” ნეიმარის ტრანსფერში თანხასთან ერთად ფეხბურთელიც ჩართო.
