გოგა ბითაძის მორიგი გასაოცარი მატჩი | VIDEO
მარტი 24, 2022 11:18 am
ნაციონალური საკალათბურთო ასოციაციის (NBA) რეგულარული სეზონი დასკვნით ფაზაში შედის. 24 მარტს, თბილისის დროით 03:00 საათზე, გოგა ბითაძის “ინდიანა” “საკრამენტოს” დაუპირისპირდა.
ინდიანაპოლისში გამართული დრამატული მატჩი მასპინძელთა მარცხით, 109:110 დასრულდა. “პეისერსის” ქართველმა ცენტრმა – გოგა ბითაძემ მორიგი გასაოცარი მატჩი ჩაატარა, თუმცა გარჯის მიუხედავად საკუთარი გუნდი მარცხისგან ვერ იხსნა. გოგა ბითაძემ პარკეტზე 29:29 წუთი დაჰყო – ამ დროის განმავლობაში ბითაძემ 20 ქულის, 9 მოხსნისა და 2 შედეგიანი გადაცემის შესრულება შეძლო.
