,,ნაპოლის” მთავარმა მწვრთნელმა, ლუჩანო სპალეტიმ, ,,უდინეზესთან” მატჩის წინ გამართულ პრესკონფერენციაზე განაცხადა, რომ ხვიჩა კვარაცხელია ხვალინდელ შეხვედრასაც გამოტოვებს:
,,კვარაცხელია უდინეზესთან მატჩში ვერ ითამაშებს. გვინდა, რომ ის რაც შეიძლება მალე დაბრუნდეს, მაგრამ ყველა ის ფეხბურთელი, რომელიც ხვალ ითამაშებს, უმაღლესი დონისაა – ,,ნაპოლის” დონის,”- განაცხადა სპალეტიმ.
კვარაცხელიამ ზურგის ტკივილის გამო იტალიის ჩემპიონატის ორი მატჩი (ატალანტასა და ემპოლის წინააღმდეგ) გამოტოვა.
მიმდინარე სეზონში ხვიჩას ანგარიშზე ,,ნაპოლის” მაისურით ჩატარებულ 17 მატჩში 8 გოლი და 10 საგოლე გადაცემაა.
სერია A-ს 14 ტურის შემდეგ, ლუჩანო სპალეტის გუნდი 38 ქულით სატურნირო ცხრილის პირველ პოზიციაზეა და მეორეადგილოსან ,,ლაციოს” 8 ქულით უსწრებს.