ეროვნული ლიგის 2020 წლის სეზონი კულმინაციას უახლოვდება. ამ მომენტისთვის მე-15 და მე-16 ტურების თითო-თითო შეხვედრაა გადადებული, თუმცა მე-17 სათამაშო კვირა უკვე შედგა და 5 დეკემბერს გასამართი მატჩების დასრულებისთანავე, ათივე გუნდს თითო-თითო მატჩი ექნება ჩასატარებელი.
მე-17 ტური ყველაზე უხვგოლიანი გამოვიდა და თავი სეზონის ერთ-ერთი საუკეთესო შეხვედრითაც დაგვამახსოვრა – გორში, თენგიზ ბურჯანაძის სახელობის სტადიონზე, ერთმანეთს სამეულისთვის მებრძოლი ორი გუნდი – “დილა” და “საბურთალო” დაუპირისპირდნენ. თბილისელები მატჩში სამჯერ ლიდერობდნენ, თუმცა საბოლოოდ, გორელებმა თამაშის სათავისოდ შემობრუნება და – 4:3 გამარჯვება მოახერხეს.
დრამატული გამოდგა იმერეთში გამართული შეხვედრაც, რომელშიც “სამტრედიამ” პირველი ნახევარი მოიგო, თუმცა “დინამო ბათუმმა” 63-ე და 93-ე წუთებზე გატანილი გოლებით გამარჯვება მოახერხა.
დიდი უპირატესობით გამარჯვება მოახერხა ორმა სტუმარმა გუნდმა, “თელავმა” თბილისში “მერნას” – 5:1, ხოლო “ლოკომოტივმა” ქუთაისში “ტორპედოს” – 5:1 აჯობა და პოზიციები გაიმყარა,
ტურის მთავარი სენსაცია თბილისში, “მიხეილ მესხი 2-ზე” დაფიქსირდა, სადაც გასავარდნ ზონაში მყოფმა საჩხერის “ჩიხურამ” მოქმედ ჩემპიონ და ტიტულის დაცვისთვის მებრძოლ “დინამო თბილისს” ორი უპასუხო გოლი გაუტანა.
მე-17 ტურის შედეგები:
“სამტრედია” – “დინამო ბათუმი” – 1:2
“ჩიხურა” – “დინამო თბილისი” – 2:0
“დილა” – “საბურთალო” – 4:3
“ტორპედო” – “ლოკომოტივი” – 1:5
“მერანი” – “თელავი” – 1:6
სატურნირო მდგომარეობა მე-17 ტურის შემდეგ:
მეჩვიდმეტე ტურის დასრულების შემდეგ, იმ 11 ფეხბურთელისგან და მწვრთნელისგან შედგენილ სიმბოლურ გუნდს წარმოგიდგენთ, რომლებმაც Live.ge-ს ვერსიით, თავი საუკეთესოდ წარმოაჩინეს.
მეკარე: გიორგი ბეგაშვილი (“ჩიხურა”).
მცველები: გრიგოლ ჩაბრაძე, ვლადიმერ დიმიტროვსკი, (ორივე “თელავი”), გოდერძი მაჩაიძე (“ჩიხურა”), გიორგი ლაცაბიძე (“დილა”).
ნახევარმცველები: ფირუზ მარაქველიძე (“თელავი”), კახაბერ კახაბრიშვილი (“ჩიხურა”), ჯაბა ჯიღაური (“დინამო ბათუმი”).
თავდამსხმელები: თორნიკე კირკიტაძე, ირაკლი სიხარულიძე (ორივე “ლოკომოტივი”), გიორგი გულიაშვილი (“საბურთალო).
მწვრთნელი: გიორგი ნემსაძე (“დილა”).
ასევე იხილეთ: ეროვნული ლიგა: XVI ტურის სიმბოლური გუნდი
ასევე იხილეთ: ეროვნული ლიგა: XV ტურის სიმბოლური გუნდი
ასევე იხილეთ: ეროვნული ლიგა: XIV ტურის სიმბოლური გუნდი
ასევე იხილეთ: ეროვნული ლიგა: XIII ტურის სიმბოლური გუნდი
ასევე იხილეთ: ეროვნული ლიგა: XII ტურის სიმბოლური გუნდი
ასევე იხილეთ: ეროვნული ლიგა: XI ტურის სიმბოლური გუნდი
ასევე იხილეთ: ეროვნული ლიგა: X ტურის სიმბოლური გუნდი
ასევე იხილეთ: ეროვნული ლიგა: I წრის მიმოხილვა, სიმბოლური გუნდი და საუკეთესოები
ასევე იხილეთ: ეროვნული ლიგა: IX ტურის სიმბოლური გუნდი
ასევე იხილეთ: ეროვნული ლიგა: VIII ტურის სიმბოლური გუნდი
ასევე იხილეთ: ეროვნული ლიგა: VII ტურის სიმბოლური გუნდი
ასევე იხილეთ: ეროვნული ლიგა: VI ტურის სიმბოლური გუნდი
ასევე იხილეთ: ეროვნული ლიგა: V ტურის სიმბოლური გუნდი
ასევე იხილეთ: ეროვნული ლიგა: IV ტურის სიმბოლური გუნდი
ასევე იხილეთ: ეროვნული ლიგა: III ტურის სიმბოლური გუნდი
